بطاطس بالكذبره

هاى يا قمرات ازيكم
انا انهارده جيبالكم طريقة عمل البطاطس بالكذبره
انا مجرباها كتيييييييير وبحبها جدااااااااا وخفيفه وسهله
وان شاء الله تعجبكم
بسم الله الرحمن الرحيم

المقـــــــــــــادير:
بطاطس الكميه اللى انتى عايزاها - ملح - فلفل - بابريكا - زيت للقلى - ثوم - شطه حمرا - كذبره ناشفه - كذبره خضرا.

الطريقـــــــــــــــــــــــــه:
-نقشر البطاطس ونغسلها كويس ونقطعها مكعبات صغيره جدا.
-نقليها فى الزيت بدون اضافة ملح ليها.
-نجيب اناء ونحط فيه شوية زيت صغيرين ومعاه الملح والثوم ونسيبهم لحد ما الثوم يغمق.
-نحط عليها البطاطس والبابريكا والفلفل الاسود والشطه والكذبره الناشفه ونقلبهم كويس.
-بعدين نحط عليهم الكذبره الخضرا ونقلب لمدة دقيقه تقريبا وبعدين نرفعها من على النار وتتاكل بالعيش.
وبألف هنا وشفــــــــــــــا

مستنيه ردودكم يا قمرات.

مشكوره

شكرا يا قمر على مرورك الجميل

العفو يا جميل