تناديني وأقول لك ( سَـــمْ ) أنا كلي تحت أمرك

تناديني وأقول لك (سَمْ ) أنا كلي تحت أمرك
أنا من راسي لأقدامي أخلي الغالي يرخص لك

فديتك بأهلي وناسي (لأنكْ) كل ما أملك
وكل الناس ما أبيها إذا ماضمني احساسك

أنا عينك إذا ضاقت عليك بيوم عبراتك
رجيتك لا تخلي الهــم بقلبك يكتم أنفاسك

أنا ناسك وَ أنا أهلك وَ أنا من مطلبه (قلبك)
وَ أنا اللي لا أقبلت ضيقه من أقدار الهوا جالك

أحبك ~ وأكبر عيوبي (أغآر) من الهوا حولك
ولو بيدي أنا أضمك ولا ودي يشوفونك

أحبك ليتها تعبر عن اللي بخافقي يمك
سعادت عمري (بقربك) عساني مانحرم منك

ولو تزعل أنا (أحبك) وأحب اللي يحبونك
وأعيش العمر أنا لرضاك وأسخر راحتي لأجلك

بعد هذا وش المطلوب مدام إن ( قلبيْ ) بيدك
تدلل بس بالراحه أنا لك والعمر يفداك

أبي منك وعد ياحُب أكون لحالي بقلبك
وخذ مني وعود الكون (أنا وَ قلبيْ ) لك لحالك

:::::::::::::::::

أبيات أحساسها رائع أعجبتني فوضعتها لكم ..

اتمنى ان تحوز على جمال أحساس من يقرائها ..

دمتم بخير ..

فعلا شعر جميل
مشكوره يا حبيبتى